ახალი და უახლესი ისტორიის ფონდი
ფონდი მდიდარი და უნიკალურია აქ დაცული მასალების მიხედვით.ინახება დადიანთა საოჯახო ფოტოები, გადაღებული მსოფლიოში ცნობილი ფოტოგრაფების ფელიქს ნადარის, დაგრონის,დისდერის, როინიშვილის,ერმაკოვის, ვესტლის და სხვათა მიერ და ფოტო-ალბომები,რომლებიც მხატვრულად არის გაფორმებული,შემკულია ძვირფასი ქვებით,სხვადასხვა სცენებით,ოჯახის ახლობელ-მეგობართა,იმდროინდელი მაღალი საზოგადოების, იმპერატორთა, პრინცთა ფოტოები, აღსანიშნავია საფრანგეთის იმპერატორების,მათი ოჯახების,მიურატების და სხვა ცნობილ ადამიანთა ფოტოები,რომელთანაც დადიანებს მჭიდრო კავშირი ჰქონდათ.
საინტერესოა ალბომები, სადაც მოთავსებულია ევროპის სხვადასხვა ქვეყნების ხედები,მუზეუმების ინტერიერები.
უხვადაა მე-20 საუკუნის ფოტოები,რომლებიც ასახავენ ჩვენი ქვეყნის, კუთხის განვითარებას ,იმდროინდელ ყოფა-ცხოვრებას,ფოტო-ალბომებში მოქცეულია კადრები ახლო წარსულიდან; მაგალითად,საქართველოში რკინიგზის შემოყვანის პირველი ეტაპი,საქართველო-აფხაზეთის მეგობრობის ამსახველ მასალები და სხვა.

დაცულია აგრეთვე დოკუმენტური მასალა სამეგრელოში მიმდინარე პროცესებისა მე-20 საუკუნის დასაწყისიდან, სამამულო ომის მონაწილეთა პირადი საქმეები,შინმოუსვლელთა შესახებ ინფორმაციები, რეგიონის წარმოება- დაწესებულებათა და სოფლების ისტორიები,სხვადასხვა დარგში გამორჩეულ და დამსახურებულ ადამიანთა, პედაგოგთა,მეცნიერთა,სპორტსმენთა,კულტურის მუშაკთა საქმეები და ფოტოები.