ხელნაწერთა ფონდი

ფონდი შედგება სხვადასხვა  კოლექციისგან და მასში დაცულია 23 ათასამდე ექსპონატი;ეს კოლექციებია,საკუთრივ ხელნაწერი წიგნები;სიგელ-გუჯრები;წარწერის პირები;ისტორიული დოკუმენტები;ლიტერატურული არქივი;დადიანების საკანცელარიო  და სამხედრო არქივი;ფრანგული დოკუმენტები.

 მასალები ძირითადად თარიღდება მე-XIX საუკუნით,არის რამდენიმე უადრესი ერთეულები, ესენია:ხელნაწერი წიგნები:  ოთხთავი და იოანე  ოქროპირის სახარების თარგმანება–XVI საუკუნე,ოთხთავი-XVIIIსაუკუნე,ჟამ-გულანი II ნაწილი- მე-XVII საუკუნე,დავითნი -XVIII საუკუნე,სვინაქსარი-XVII საუკუნე,ცაიშის გულანი-რომელიც 2000 გვერდამდეა თარიღდება მე-XVIII საუკუნით.

ხელნაწერები ქართულ,რუსულ ,ფრანგულ, გერმანულ,იტალიურ, სპარსულ და ებრაულ ენებზეა.

მდიდარია და მნიშვნელოვანი ფონდში დაცული ლიტერატურული არქივი,აქ ინახება   გრიგოლ დადიანის(მთავარ დავით დადიანის ძმა)კოლხიდელის ლექსებისა და პოემა „რუხის ბრძოლის“ ხელნაწერები,ანდრია დადიანის,როგორც წერილები,ასევე საჭადრაკო პარტიები, ეკატერინე ჭავჭავაძის, მიურატების,ზუტნერის, იმპერატორ ნაპოლეონ მესამისა და მისი მეუღლის იმპერატრიცა ევგენიას წერილები, მიხაი ზიჩის „ვეფხისყაოსნის“ კარიკატურები,ფრანგი ქართველოლოგის მარი ბროსეს ქართულენოვანი წერილები დავით დადიანისადმი  მრავალი სხვა მნიშვნელოვანი და საინტერესო მასალები,აქვე დაცულია ცნობილი მწერლებისა და საზოგადო მოღვაწეების-ილია ჭავჭავაძის,აკაკი წერეთლის,  დიმიტრი ყიფიანის,პლატონ იოსელიანის,ივანე მაჩაბლის,ნიკო ნიკოლაძის,იონა მეუნარგიას მიმოწერები