ქრისტიანული ხელოვნების ფონდი
ქრისტიანული ხელოვნების (საგანძური) ფონდში დაცულია კოლხური ოქრომჭედლობის არა-ერთი საუკეთესო ნიმუში, მათ შორის აღსანიშნავია ე.წ. „თაგილონის განძი“,ნაპოვნი 1930 წელს მდინარე ენგურის მარჯვენა სანაპიროზე, ოქროს ირმის თავი, ოქროს სამკაულის დეტალები, ვერცხლის ჭიქები, ფიალები, დათარიღებული ჩვენი წელთაღრიცხვით პირველი მეორე საუკუნეებით.
რიტონი ძალიან ჰგავს პართიული ვერცხლის ირმისთავა რიტონს და ბულგარეთში აღმოჩენილ თხისთავა ოქროს სასმისს, ჩვენ წელთ აღრიცხვამდე მე-6 მე-5 საუკუნეები,რომელიც შესაძლოა იყოს მსგავსი ერმიტაჟში დაცული სკვითურ-ყუბანური ნივთების.
საცავშია ქრისტიანული სარწმუნოების უდიდესი სიწმინდე,სამოსელი ღვთისმშობლის და წმინდა ნაწილები,წმინდა მარინეს მკლავი,წმინდა კვირიკეს ხელის მტევანი,წმინდა გიორგის და წმინდა იოანე ნათლიმცემლის ძვლის ნაწილები.
აქვეა ჯვარ-ხატების და ჭედური ხელოვნების ნიმუშთა კოლექცია,რომლებიც ფრიად მნიშვნელოვანია მათზე დატანილი წარწერების გამო.
საცეცხლური ობუჯის ეკლესიიდან, ვერცხლი, ჭედური,მოოქრული, დამშვენებული ფოთლოვან-ყვავილოვანი ორნამენტებით, ვერცხლისავე ოთხ ძეწკვზე დაკიდებული. გიორგი ჩუბინაშვილი საცეცხლურს ათარიღებს, მასზე დატანილი წარწერის მიხედვით,რომელიც ამოტვიფრულია საცეცხლურის ძირზე ასომთავრულით და მოხსენიებულია გიორგი,მე-10 საუკუნეში კი, ეგრის-აფხაზეთის სამეფოში,სადაც მდებარეობდა ქიაჩის ეკლესია ,თანამედროვე ოჩამჩირის რაიონში,სოფელ ჯგერდის მიდამოებში,საქართველოს ისტორიიდან ,ცნობილია მეფე გიორგი მე-2,რომელიც მეფობდა 922-957 წლებში
ცაიშის საწინამძღვრე ჯვარი,ჭედური,ვერცხლი,მოოქრული,აქვს ბაგრატ აფხაზთა მეფისა და კურაპალატის წარწერა.თარიღდება მე-11საუკუნით.
ხობის მრავალნაწილიანი ხატი,ფერწერული,ჭედური,ვერცხლი,მოოქრული,ხატი დაყოფილია სხვადასხვა ზომის სანაწილე ბუდეებად(სულ 52) შენახული იყო წმინდა ნაწილები,შუაში გრძელი ჯვარი ძელი ჭეშმარიტებისა,ხატს ქვემოთ აქვს წარწერა, სადაც მოხსენიებულია ბორდოხან დედოფალი,თამარ მეფის დედა, იგი გადმოცემის მიხედვით ლექსებს წერდა,სავარაუდოა ხატზე დატანილი ხუთტაეპიანი თორმეტმარცვლიანი ლექსი- იამბიკო მას ეკუთვნოდეს
ექვთიმე თაყაიშვილის აზრით ხატი მე-12 საუკუნისაა.
ცნობილ ოქრომჭედელთა- ფილუ ძაძამიძის,იდრისის,ასათიანის ნამუშევრები: ვერცხლის ქამარ-ხანჯლები.
ნაპოლეონის ნიღაბი-მსოფლიოში სამად სამი,მათ შორის ერთი ინახება საქართველოში ,დადიანების მუზეუმში,ჩამოსხმული ბრინჯაოსაგან,მისი პირადი ექიმის ფრანჩესკო ანტომარკის ბრძანებით 1833წელს, კენელისა და რიშარის მიერ.
